Шымкенттік жеткіншек өртеніп жатқан үйден көршісінің екі баласын алып шықты

fe082fea392500dc_w.jpg

Абай ауданы Құрсай шағын ауданындағы жеке үйлердің бірінен өрт шығып, үш бала үйдің ішінде қалып қояды. Балалардың үлкені түтіннен құтылып шығып, көршілерінен жанұшыра көмек сұраған.

Сол сәтте көршінің 13 жастағы баласы жанып жатқан үйдің ішіне кіріп кетеді. Ал баланың анасы өрт сөндірушілерді шақырған.

Жасөспірім 2013 жылы туған қыз баланы және 2015 жылы туған ұл баланы үйден аман алып шыққан сәтте, тұрғын үй толық өртке ораныпты.

Айта кетейік, өрт шыққан кезде балалардың ата-анасы үйде болмаған.

Мамандардың айтуынша, құтқарылған балалар қатты қорқып қалған. Бірақ жағдайлары қанағаттанарлық.

"Өрт туралы 2019 жылдың 16 ақпаны сағат 16.39-да Шымкент қалалық ТЖД шұғыл басқармасының 101 нөміріне хабарлама кеп түскен. Нөмірі 1-ші өрт сөндіру қызметінің арнайы отрядының жеке құрамы барлығы 14 адам Жаңақұрылыс көшесіндегі уақытша үйден шыққан өртті ауыздықтады.
Өрттің жалпы аумағы 60 шаршы метрді құрайды. Өрт сағат 18.30-да толық сөндірілді. Үйде ересектердің қарауынсыз үш бала болған. Өрттің шығу себебін мамандар анықтап жатыр", - деп хабарлайды Шымкент қалалық төтенше жағдайлар департаменті.


Жарнама орны (6)

Мүмкін сізді қызықтыратын тақырыптар:

  • Daryn Online платформасы жаңа жобаны қолға алды
  • Технический надзор перепутали с авторским
  • Выявлено неправомерное применение норм интеллектуальной собственности
  • Жұмабек Кенжалиннің елжандылық мұраты ұлықталған шара
  • ҚaзҰУ әлeмдiк cтaндapттap дeңгeйiндe бiлiм бepетін оқу ордасы