Қазақстанның Тұңғыш Президенті - Елбасы Нұрсұлтан Назарбаев Түркістанға сапары кезінде түркі әлемінің астанасында көргендерін бағалады.
- Тәуелсіздік жылдары біз тағы бір маңызды нысанды салдық. Бұл Түркістан қаласы. Түркістанның ұзақ тарихында ол бұрын-соңды мұндай жаңғыру көрген емес. Мүлдем жаңа, бірегей қала. Бүкіл архитектурасы түркі және қазіргі заманға негізделген. Бұл тек Қазақстан үшін емес, бүкіл адам үшін ерекше орын болады. "Керуен-сарайдың" өзі, қалған парктер, нысандар неге тұрады. Мен барша түркістандықты, оңтүстікқазақстандықтарды мемлекеттің осы керемет сыйлығымен құттықтаймын. Сіздердің мемлекетке сыйлықтарыңыз - бірлік, ынтымақтастық және отанымыз үшін еңбек ету. Бар жақсылықты тілеймін, - деді Елбасы БАҚ өкілдеріне арналған брифингте.
Elbasy.kz баспасөз қызметінің хабарына қарағанда, Түркістанда Назарбаев "Алтын Самұрық" театрында болып, "Қыз қуу" атты театрландырылған қойылымды тамашалады. Сонымен қатар, Елбасыға театрландырылған су шоуы көрсетілген.
<iframe width="560" height="315" src="https://www.youtube.com/embed/PBSgPWKkYBY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen=""></iframe>
