Қаланың өркендеуіне үлес қосқандарға құрмет көрсетілді

Шымшаһарда Тәуелсіздіктің 30 жылдығына орай қалалық мемлекеттік архивінің ұйымдастыруымен «Тәуелсіздік жылдарындағы Құрметті азаматтар» атты көрмесі өтті.

image.png

Тыныбаев көшесінде орналасқан «Шымкент қаласының құрметті азаматы» аллеясында  арнайы көрме жасақталды. Онда 1991-2021 жылдар аралығында «Құрметті азамат» атағын алғаш рет иеленген 130-дан астам құрметті азамат туралы маңызды әрі тарихи құнды мәліметтер көрермен қауымға таныстырылды. Көрмеге мегаполистің қоғамдық өмірін дамытуға ерекше еңбегін сіңірген азаматтардың жеке куәліктері, фото суреттері мен жеке кітаптары, жобалары, құжаттарынан құнды мәліметтері қойылған.

Мұрағат қызметкерлері ҚР Тұңғыш Президенті – Елбасы Нұрсұлтан Назарбаевтың «Ұлы даланың жеті қыры» мақаласына сәйкес «Архив-20-25» кешенді жоспары бойынша қаланың өркендеуіне үлес қосқан азаматтар жайында кітап шығарылып жатқанын жеткізді. Осындай іс-шаралар арқылы өскелең ұрпақтың бойында патриоттық сезімін қалыптастыруға өз үлестерін қосатынын тілге тиек етті.  Тарихты сақтаушылар шаһардағы мемлекет және қоғам, ғылым мен мәдениет, әдебиет және өнер қайраткерлеріне құрмет көрсетіп, олардың елеулі еңбегін насихаттамақ.

Сондай-ақ, іс-шара аясында А.Әзімбаев, С.Жанәбіл , С. Өтемісов сынды еңбегі елеулі азаматтармен сұхбат ұйымдастырылды. Құрметке ие болғандар жиында өздерінің еңбек жолын баяндап, табысқа жетудің сырымен бөлісті. Кездесу барысында жиналған көпшілік ой түкпіріндегі сауалдарына да тұщымды жауап алды.

А.ЖӘДІГЕРҰЛЫ

ФОТО Серік Қосаев

Жарнама орны (6)

Мүмкін сізді қызықтыратын тақырыптар:

  • Қаланың өркендеуіне үлес қосқандарға құрмет көрсетілді
  • Шымкент қаласы «жасыл аймаққа» өтті
  • Отбасылық және гендерлік саясат тұжырымдамасы жаңартылады
  • Шымкент: Жыл басынан бері 33 мыңнан астам науқас коронавирустан емделіп шықты
  • Парасат жолы: Жазушы Есқара Тоқтасынұлы жастармен кездесті