Жастарға қазақ әдебиетінің классиктерін, ұлы дала ақындарын насихаттаған аса маңызды. Өз елінің тарихымен сусындап, әдебиетін оқып өскен жастардан күтер үміт көп. Олар ел руханиятының өсіп-өркендеуіне зор үлесін қосады. Руханият - кез-келген мемлекеттің күре тамыры секілді. Руханият құлаған жерде мемлекет өз болмысынан айрылып, азып-тозады. Отбасылық институт деген жойылады. Бұл өз кезегінде мемлекетті құлдырауға алып келеді. Бұған жол бермеген абзал.
Осы орайда Шымкент қаласы ішкі саясат және жастар істері жөніндегі басқармасының «Жастар ресурстық орталығы» КММ-нің «Nur Otan» партиясы ШҚФ «Jas Otan» ЖҚ-ның ұйымдастыруымен ҚР Тәуелсіздігінің 30 жылдығына орай және 10 тамыз «Абай күніне» арнайы қала тұрғындарының арасында викториналық сұрақ-жауап айдары өткізілді.
Шараның мақсаты – қала тұрғындарына Абай өмірі мен шығармашылығыннан сыр шертетін сұрақтар қойып, сол арқылы келер ұрпаққа қалдырған өсиетін жастар арасында насихаттау. Сонымен қатар, Абай өлеңдері мен қара сөздерінен нәр алып, тәлім - тәрбие алуға бағыттау болып табылады.
Викториналық сұрақ-жауап барысында дұрыс жауап берген қала тұрғындары мен жастарға арнайы Абай өлеңдер жинағы мен қара сөздері жинақталған кітапшалар және қыздарға арналған қазақи әшекей бұйымдар тарту етілді.
