Жұмыссыз жастарға демеу болған бағдарлама

Screenshot_51.jpg

«Жастар практикасы» мемлекеттік бағдарламасы талай жастарға екі қолға бір күрек тауып, тәжірибе шыңдауға мүмкіндік берді. Аталмыш бағдарламаның көмегін шымкенттік жастар да көріп отыр. Мамандардың дерегінше Шымкентте жұмыспен қамту орталығы жыл басынан 472 азаматты «Жастар практикасы» бойынша 6 ай мерзімге жұмысқа жолдаған. Олар ай сайын 25 айлық есептік көрсеткіш көлемінде еңбекақымен қамтылып отыр. 

Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының үшінші бағыты шеңберінде жұмыссыз жүрген жастар медициналық, педагогикалық және техникалық мамандықтары бойынша түрлі мекемелер мен кәсіпорындарға жолданған.  Мемлекеттік бағдарлама жоғарғы оқу орындары мен колледж түлектеріне бастапқы жұмыс тәжірибесін жинақтап, біліктілігін шыңдауға мүмкіндік береді.  «Жастар практикасы» уақытша жұмыс орны болып есептелінеді. Бағдарламаға 29-жастан аспаған «жұмыссыз» мәртебесі бар және соңғы үш жыл ішінде жоғарғы оқу орындары мен колледждердің техникалық және кәсіби білім түлектері қатыса алады. 

Айта кетсек, бағдарламаға тек бір рет қатысуға болады. Үшінші мегаполисте жыл соңына дейін бұл бағыт бойынша 2500 адамды жұмыспен қамту жоспарланған.


Жарнама орны (6)

Мүмкін сізді қызықтыратын тақырыптар:

  • Жұмыссыз жастарға демеу болған бағдарлама
  • Cүт фермасының болашағы зор
  • №28 кәріз сорғы станциясының құрылысы биыл аяқталады
  • 5 миллионнан астам тал-дарақ егілмек
  • Жаңа жүйе медицинадағы жемқорлыққа тосқауыл болмақ