Мүгедек жандар жарысады

Screenshot_31.png

Өз Жолдауында ел Президенті Қасым-Жомарт Кемелұлы Тоқаев Халық арасында бұқаралық спортқа басымдық беру, өскелең ұрпақты дене шынықтыруға баулу қажеттігін атап өткен болатын. Соның ішінде мүмкіндігі шектеулі жандарды да спортқа тарту, олардың спортпен айналысуына қолайлы жағдай жасау және мұндай азаматтарға арналған спорт кешендерін көбейту  керектігін баса айтқан болатын. 

Осы орайда Шымкент қаласында тірек-қимыл аппараты зақымданған және көру қабілеті нашар спортшылар арасында еліміздің VI Спартакиадасы басталды. Жарыс паралимпиадалық емес 5 спорт түрінен – дойбы, шахмат, тоғызқұмалақ, каратэ және арбада билеу сынды бағдарлама бойынша өтеді. Сайысқа еліміздің барлық өңірінен 300-ден астам спортшы қатысады.

Шымкент қаласы әкімінің орынбасары Мақсұт Исахов сайыстың ашылу рәсіміне қатысып, спортшыларға сәттілік тіледі. 

Жарыс 21-25 қыркүйек аралығына жоспарланған. Тартысты бәсекелер «Көрме» орталығы мен Шымкент қалалық кешенді жоғары спорт шеберлігі мектебінде өтеді. 21 қыркүйек күні барлық спорт түрі бойынша іріктеу бәсекелері бастау алды. Жеңімпаздар мен жүлдегерлер 25 қыркүйек күні анықталады. 


Жарнама орны (6)

Мүмкін сізді қызықтыратын тақырыптар:

  • Азық-түлік бағасын назарда
  • Мүгедек жандар жарысады
  • «TEN QOGAM» тең мүмкіндік беруде
  • Энергия үнемдегіш шамдар орнатылуда.
  • Полицейлер түнгі уақытта жүрген 90 жасөспірімді анықтады