Алаяқтықтың 100-ден астам жайты тіркелді

021.jpg

Түркістан облысы басшылығының алаяқтықтың жолын кесу және осы бағыттағы құқық бұзушылықтарды болдырмау туралы тапсырмасы Сайрам ауданында жүзеге асты. Құқық қорғау органдарының қызметкерлері «мүгедектікке шығарып беремін» деп алаяқтық жасаған күдіктіні ұстады.

Сайрам АПБ-не жергілікті тұрғын арызданады. Жәбірленуші әйелдің айтуынша оны сырттай танысы 2019 жылдың желтоқсан айында мүгедектікке шығарып беремін деп алдап, 30 000 теңге ақшасын алған. Содан бері уәдесін орындамай, не ақшасын қайтармай әбігерге салған. Осылайша алаяққа алданғанын білген тұрғын, полицейлерден көмек сұрайды.

Аталған жайт ҚР ҚК-нің 190-бабы «Алаяқтық» бойынша тіркелді. Полицейлер оңай жолмен ақша тапқысы келген алаяқты ұстауға бағытталған жұмыстарды жүргізіп, күдіктінің жеке-басын анықтап, ұстады. Ол өз кінәсін толық мойындады. Ақшаны өз қажеттілігіне жаратқан. Бас шарасы қолхатта. Жинақталған ақпараттар сотқа жолданды.
Жалпы жыл басынан бері Сайрам аудандық полиция басқармасында 100-ден астам алаяқтық жайты тіркелді. 18 қылмыстық іс бойынша сотқа дейінгі тергеу материалдары айыптау актісімен заңды шешім қабылдау үшін сотқа жіберілді.

Өз кезегінде Түркістан облысының тәртіп сақшылары тұрғындарға барынша абай болуға, сенгіштікке салынбауға кеңес береді. Алаяқтардың әртүрлі арбауына түсіп қалмауды, жақсы таныс емес адамдардың заңсыз ұсыныстарын қабылдамауды ескертеді. Алаяқтардың алдауына бой алдырмаңыз! Егер сіз осындай алаяқтық фактілерінің құрбаны немесе куәгері болсаңыз, дереу полицияға 102 телефоны арқылы хабарласыңыз. Егер сіз алаяқтықтың куәсі немесе құрбаны болсаңыз 102 телефонына тез арада хабарласыңыз.

Жарнама орны (6)

Мүмкін сізді қызықтыратын тақырыптар:

  • Үш күнде анықталған 12 мас жүргізуші 7 жыл көлік басқару құқығынан айырылды
  • Жас жігітті ұрған бұзақы ұсталды
  • Көліктерден ақша ұрлап, істі болды
  • Полиция құрылыс құралдарын ұрлаған күдіктіні ұстады
  • Полицейлер кезекті мас жүргізушіні ұстады