Маңғыстау облысында бокстан 3 бапкер коронавирустан қайтыс болды

Маңғыстау облысының бокс федерациясы Қазақстанның еңбек сіңірген үш бапкері коронавирустан қайтыс болғанын мәлім етті, деп хабарлайды ҚазАқпарат. 

200712212109279a3671916i.jpg

«Өкінішке қарай, коронавирус спорт қоғамын да айналып өтпеді. Маңғыстау облысының федерациясындағы орны толмас қаза туралы қайғыра хабарлаймыз. Талантты әрі сауатты бапкерлер өмірден өтті – жоғары ұлттық санаттағы судья, бокстан КСРО-ның спорт шеберлігіне кандидат Берік Ермағанбетов, бокстан Қазақстанның еңбек сіңірген бапкері, Жаңаөзен құрамасының аға жаттықтырушысы Жеңіс Жарылғапов және Жаңаөзен бокс мектебінің аға жаттықтырушысы Ақылбек Теміров», - делінген Маңғыстау облыстық бокс федерациясының ақпаратында. 

Атап өтілгендей, аталған бапкерлер өңірде бокстың дамуына үлкен үлес қосты. 

«Б.Ермағанбетов көптеген халықаралық турнирлердің жеңімпазы болған. Ж.Жарылғапов еңбек жолында Қазақстан чемпиондары мен жүлдегерлерін тәрбиелеп шығарды. А.Теміров бокстан жаттықтырушы болып 30 жылдан астам еңбек етті. Оның ізбасарлары - Қазақстан чемпиондары. Маңғыстау облыстың бокс федерациясы бапкерлердің туғандары мен жақындарына, оқушыларына шын жүректен көңіл айтады. Олар мәңгі жадымызда сақталады», - деді федерациядан.

Жарнама орны (6)

Мүмкін сізді қызықтыратын тақырыптар:

  • Қазақстанда коронавирус пен пневмониядан тағы 26 адам қайтыс болды
  • Мектептердегі компьютерлер балаларға уақытша пайдалануға беріліп жатыр
  • Елімізде бір тәулікте коронавирустан 15, пневмониядан 11 адам көз жұмды
  • Елбасы маңызды үндеу жариялады (үндеу)
  • Қазақстанда коронавирус пен пневмониядан тағы 20 адам қайтыс болды